बैशाख २७
पूर्वप्रधानमन्त्री पुष्पकमल दाहाल प्रचण्ड र सीता दाहालले विवाहको ५०औँ उत्सव मनाएका छन् । ललितपुरको खुमलाटारस्थित प्रचण्ड निवासमा आयोजित कार्यक्रममा उपराष्ट्रपति नन्दबहादुर पुन, मन्त्रीहरू, सांसदहरू, नेकपाका नेतालगायतको उपस्थिति थियो ।
कार्यक्रममा प्रचण्ड र सीता बेहुला(बेहुली जसरी सजिएका थिए । विवाहमा जसरी नै एकअर्कालाई माला लगाइदिए भने महिलाहरूले पञ्जेबाजा बजाएर शुभेच्छुकहरू नाचेका थिए । एक वर्षअघि एक मात्र छोरा प्रकाशको निधनपछि विक्षिप्त बनेकी पत्नी सीतालाई खुसी बनाउन प्रचण्डले विवाहको ५०औँ वर्षगाँठ मनाएका हुन् । पुत्र प्रकाश दाहालको निधन भएपछि सीता दाहालको स्वास्थ्य स्थिति बारम्बार बिग्रँदै आएको छ । प्रचण्ड र सीताबीच २०२६ वैशाख २६ गते विवाह भएको थियो ।
