हेटौंडा,२५ मंसीरः मकवानपुरको हेटौंडा उपमहानगरपालिका–९, पशुपतिनगरमा मोटरसाइकलले ठक्कर दिँदा एकजना महिलाको ज्यान गएको छ ।
पशुपतिनगर क्षेत्रको पुर्व पश्चिम राजमार्गमा मोटरसाईकलले ठक्कर दिँदा पर्सा बिन्दावासिनी–२, घर भई हाल हेटौंडा–५ बस्दै आएकी ४० वर्षीया पर्मिला देवी पासवानको मृत्यु भएको हो । घटनामा अन्य दुई जना घाईते भएका छन् ।
बीरगंजबाट हेटौँडातर्फ आउँदै गरेको ना ४२ प ७५०६ नम्बरको मोटरसाईकलले ठक्कर दिँदा एक पासवानको मुत्यु भएको जिल्ला प्रहरी कार्यालय मकवानपुरले जनाएको छ ।
दुर्घटनामा मोटरसाइकल चालक पर्सा जिल्ला पर्सागढी नगरपालिका–५ का कञ्चन ठाकुर र मोटरसामइकलमा सवार भरतपुर महानगरपालिका–१० का सर्मिला थापा घाईते भएका छन् । उनीहरु दुबैजनाको हेटौंडा–११ स्थित चुरेहिल अस्पतालमा सामान्य उपचार गरी थप उपचारका लागि चितवन लगिएको र घाइतेको अवस्थामा सुधार भैरहेको जिल्ला प्रहरी कार्यालय मकवानपुरका निमित्त प्रवक्ता तथा प्रहरी निरीक्षक पवन कुमार झा ले जानकारी दिए ।
