हेटौंडाः मकवानपुरगढी गाउँपालिका–४, मक्रान्चुलीमा टिपरले किचेर दिपक पाख्रिनको मृत्यु भएको छ ।
गएराति गढीगाउँपालिका–४ स्थित मनकामना मन्दिर जाने सडक खण्डमा बा ४ ख ६३५५ नम्बरको टिपरले किच्दा स्थानीय दिपक पाख्रिनको मुत्यु भएको जिल्ला प्रहरी कार्यालय मकवानपुरले जनाएको छ।
दिपकको मुत्यु पछि स्थानीयले टिपरममा सामान्य तोडफोड गर्नुका साथै प्रदर्शन गरेका थिए ।
घटनास्थलमै वडा प्रहरी कार्यालय हेटौंडाका प्रहरी निरीक्षक ईश्वरी प्रसाद भण्डारी, प्रहरी निरीक्षक ललन प्रसाद कुर्मी, प्रहरी निरीक्षक पवन कुमार झा सहितको टोली पुगेर भिडलाइ नियन्त्रण लिएको थियो ।
ठक्कर दिने टिपर र चालक प्रहरी नियन्त्रणमा छ। पीडित पक्षले शव बुझी लगेको र ठक्कर दिने टिपर चालकलाई मुद्दाको प्रक्रिया अघि बढाइएको जिल्ला प्रहरी कार्यालय मकवानपुरका निमित्त प्रवक्ता तथा प्रहरी निरीक्षक पवन कुमार झा ले जानकारी दिए ।
