मनहरी,२० मंसीर । नेपाल कम्युनिष्ट पार्टीको मनहरीमा भएको प्रशिक्षण कार्यक्रममा विभिन्न पार्टी परित्याग गरी नेकपामा १३७ जना प्रवेश गरेका छन् ।
मकवानपुरको मनहरीमा आयोजित कार्यक्रमको उद्घाटन सत्रमा संघीय समाजवादी,नेपाली काँग्रेस र राप्रपा परित्याग गरी उनीहरु नेपाल कम्युनिष्ट पार्टी प्रवेश गरेका हुन् । नवप्रवेशीहरुलाई नेकपा एमालेका बरिष्ठ नेता एबम् पूर्व प्रधानमन्त्री माधवकुमार नेपालले फुलमाला र अबिरटिका लगाएर स्वागत गर्नु भएको थियो । प्रवेश गर्नेहरुमा केही स्वतन्त्र युवाहरुसहित समाजवादी पार्टीका जिल्ला सदस्य, नेपाली काँग्रेस मनहरी गाउँ इकाइ समिति सदस्य लगायतका रहेका छन् । नेपाली काँग्रेसका क्रियाशील महिलाहरुले पनि पार्टी प्रवेश गरेको नेपाल कम्युनिष्ट पार्टी मनहरी गाउँ कमिटीले जनाएको छ ।
पार्टी प्रवेश कार्यक्रममा नेपाल कम्युनिष्ट पार्टीका केन्द्रीय सदस्य केदार न्यौपाने, बिरोध खतिवडा, कुमारी मोक्तान, रामेश्वर राना, जिल्ला अध्यक्ष मुनु सिग्देल, सचिव प्रेम बहादुर पुलामी, प्रदेश कमिटी सदस्यहरु ओमबहादुर ग्लान, एकराज उप्रेती, संविधासभा सदस्य राजाराम स्याङ्तान लगायत नेताहरुको सहभागिता रहेको थियो ।
