हेटौंडा,१९ मंसीरः हेटौंडामा मिडिया मार्केटिङ सम्बन्धी निःशुल्क तालिम सञ्चालन हुने भएको छ। करिब डेढ दशक लामो समयदेखि मार्केटिङ क्षेत्रमा काम गरेका अनुभवी व्यक्तिहरुबाट प्रशिक्षण दिईने भएको हो ।
रेडियो सन्देश तथा लियो क्लब अफ हेटौंडा भुटनदेविको संयुक्त आयोजनामा सञ्चालन हुने तालिममा सहभागी हुनेहरुका लागि तालिम पश्चात् न्युनतम आठ हजार देखि पच्चीस हजारसम्म जागिरको व्यवस्था रहेको लियो क्लब अफ हेटौंडा भुटनदेविका अध्यक्ष रुपक कालिराजले जानकारी दिए ।
रेडियो सन्देश, हजुरको खबर डटकम लगायत मकवानपुर जिल्लाका मिडिया तथा अन्य क्षेत्रमा समेत तालिम प्राप्त मार्केटिङ्ग गर्ने जनशक्ति आवश्यक परेकोले तालिम आयोजना गर्न लागिएको हो।
पुस १२ गतेदेखि १५ गतेसम्म बिहान ११ बजेदेखि १ बजेसम्म तालिम सञ्चालन हुने आयोजकले जनाएको छ। अध्यक्ष कालिराजका अनुसार साधारण लेखपढ गरेको वा बोल्न सक्ने ४० जनालाई तालिम दिईनेछ ।
