हेटौंडा,२ मंसीरः लोक सेवा आयोगका ३ नम्बर प्रदेश प्रमुख सुरेशमान श्रेष्ठले आज सपथ ग्रहण गरेका छन् ।
प्रदेश प्रमुखको कार्यालय हेटौंडामा भएको कार्यक्रममा प्रदेश प्रमुख विष्णुप्रसाद प्रसाईंले श्रेष्ठलाई पद तथा गोपनीयताको सपथग्रहण गराएका हुन् ।
सपथ ग्रहण कार्यक्रममा प्रदेशका मुख्यमन्त्री डोरमणि पौडेल, सभामुख सानु कुमार श्रेष्ठ, ३ नम्बर प्रदेशका आन्तरिक मामिला तथा कानूनमन्त्री शालिकराम जमकट्टेल, आर्थिक मामिला तथा योजनामन्त्री कैलाशप्रसाद ढुङ्गेल, सामाजिक विकास मन्त्री युवराज दुलाल, जिल्ला समन्वय समिति मकवानपुरका प्रमुख रघुनाथ खुलाल, प्रदेशका प्रमुख सचिव तोयम राय, हेटौंडा उपमहानगरपालिकाका मेयर हरिबहादुर महत लगायतको उपस्थित थिए ।
