हेटौंडाः मकवानपुरको बकैया गाउँपालिका–१२, धत्रेस्थित एक घरमा आगलागी गएराती आगलागी भएको छ । घरमा आगलागी हुँदा ५० हजार रुपैयाँ बराबरको क्षति भएको जनाइएको छ ।
स्थानीय राजकुमार जिम्बाको घरमा राती करिब ११ बजे आगलागी भएको जिल्ला प्रहरी कार्यालय मकवानपुरले जानकारी दिएको छ । जिम्बाका ५ वर्षीय छोरा बिनोदले घरमा आगो खेलाउँदा अचानक घरमा आगो सल्किएको हो । प्रहरीका अनुसार जिम्बाको एक तले खरको छानो भएको घरमा आगलागी भएको हो ।
प्रहरी र स्थानीयको सहयोगमा आगो निभाइएको थियो । घटनामा मानवीय क्षति भने नभएको जिप्रका मकवानपुरले जनाएको छ ।
