हेटौंडा,३० कात्तिकः मकवानपुरको बकैया गाउँपालिका–३ जलजलेमा घर भत्काउने क्रममा आज एक जनाको मृत्यु भएको छ । घर भत्काउँदै गर्दा गारोले पुरिएर बुद्ध लामा मोक्तानको मृत्यु भएको जिल्ला प्रहरी कार्यालय मकवानपुरले जनाएको हो ।
बकैया गाउँपालिका–३ जलजलेमा शान्ति लामाको घर भत्काउने क्रममा पर्खाल भत्किएर मोक्तानलाई पुरेको जनाइएको छ । घटनामा गम्भीर घाइते भएका बकैया–३, चिसापानीका २७ बर्षीय मोक्तानलाई उपचारको लागि हात्तीसुँडेस्थित बकैया स्वास्थ्य केन्द्रतर्फ लगिएको थियो ।
स्वास्थ्य केन्द्र लैजाँदै गर्दा बाटो नै उनको मृत्यु भएको जिल्ला प्रहरी कार्यालय मकवानपुरका प्रहरी उपरीक्षक मुकेश कुमार सिंहले जानकारी दिए ।
