हेटौंडाः हेटौंडा उपमहानगरपालिका–११ भैरवडाँडामा रहेको पाथिभरा मन्दिर नजिकै गएराती ट्याक्टर दुर्घटना हुँदा १ जनाको मृत्यु भएको छ । १ जना घाइते भएका छन् ।
पाथिभरा मन्दिरबाट हेटौंडा आउँदै गरेको ना च त ४५३७ नम्बरको ट्याक्टर दुर्घटना हुँदा वडा नम्बर ९ का सौरभ दर्लामीको मृत्यु भएको जिल्ला प्रहरी कार्यालय मकवानपुरका एसपी मुकेश कुमार सिंहले जानकारी दिए । घाइते १८ वर्षका सुरज ढुंगानाको हेटौंडा अस्पतालमा सामान्य उपचारपछि घर फर्किएका छन् । ट्याक्टर ओरालोमा अनियन्त्रिय भएर पल्टिँदा च्यापिएर दर्लामीको मृत्यु भएको एसपी सिंहले बताए ।
