हेटौंडाः टेलिभिजन र अनलाइन पत्रकारितामा आफ्नो बेग्लै पहिचान बनाएका मकवानपुरको मनहरीका पत्रकार रामकुमार एलन सम्मानित भएका छन् ।
पत्रकार एलन २०७६ को ‘फेड्वासन वास टेलिभिजन पत्रकारिता पुरस्कार’बाट सम्मानित भएका हुन् । खानेपानी तथा सरसफाइ उपभोक्ता महासंघ नेपालको १७औँ स्थापना दिवसमा काठमाडौंमा आयोजित कार्यक्रममा पत्रकारिता पुरस्कार प्रदान गरिएको हो ।
फेड्वासन वास पत्रकारिता पुरस्कारबाट टेलिभिजनतर्फ जनता टेलिभिजन, रेडियोतर्फ सिआइएनका राजन रुचाल, अनलाइनतर्फ लोकान्तर डटकमका गगन अर्याल र पत्रिकातर्फ कान्तिपुरका वसन्त प्रकाश सिंह पुरस्कृत भएका हुन् ।
पुरस्कृत पत्रकारलाई सांसद आशा विकले पुरस्कार र प्रमाण पत्र वितरण गरिन् । एलन लामो समय मकवानपुरमा पत्रकारिता गरी हाल एक दशकदेखि काठमाडौंस्थित जनता टेलिभिजनमा सम्पादकको रुपमा कार्यरत छन् । मनहरी लाइभबाट
