हेटौंडाः राष्ट्रिय फोटो पत्रकार समुह मकवानपुर शाखा गठन भएको छ । हेटौंडामा भएको फोटो पत्रकारहरुको भेलाले कपिल खड्काको अध्यक्षतामा राष्ट्रिय फोटो पत्रकार समुह मकवानपुर जिल्ला समिति गठन गरेको हो ।
समुहको उपाध्यक्षमा धर्मेन्द्र दाहाल, सचिवमा विजय पौडेल, सहसचिवमा उज्वल अधिकारी र कोषाध्यक्षमा बलराम पुडासैनी चयन भएका छन् ।
समुहको सदस्यहरुमा सरला अधिकारी, सहनशिला ढकाल, मिना श्रेष्ठ, दिल बहादुर लामा, धिरज ढकाल र विक्रम बानियाँ चयन भएका छन् । त्यस्तै समुहको सल्लाहकारमा रामशरण दुलाल, शिवकुमार काशी र ध्रुव अधिकारी चयन भएका छन् ।
प्रदेश ३ का आन्तरिक मामिला तथा कानुन मन्त्री शालिकराम जमकट्टेलको प्रमुख आतिथ्यतामा कार्यक्रम भएको हो । कार्यक्रममा फोटो पत्रकार समुहका केन्द्रीय महासचिव प्रदिप राज वन्त, पत्रकार महासंघ प्रदेश ३ का अध्यक्ष प्रताप विष्ट, मकवानपुरका प्रहरी प्रमुख मुकेश कुमार सिंह, राष्ट्रिय फोटो पत्रकार समुह प्रदेश ३ का अध्यक्ष नारायण सिलवाल, उद्योग वाणिज्य महासंघका केन्द्रीय सदस्य राजकुमार न्यौपाने, बानका केन्द्रीय उपाध्यक्ष उज्ज्वल चौलागाईं, चलचित्र बिकास बोर्डका सदस्य नरेन्द्र महर्जन, पत्रकार महासंघ मकवानपुरका अध्यक्ष हरि हुमागाईं लगायत अतिथि रहेका थिए ।
