मनहरीः नेपाल क्युकोसेन कराते डोजो मनहरी शाखाले भोली शनिबार बेल्ट टेष्ट कार्यक्रम गर्ने भएको छ । बिगत ढेड वर्षदेखि मनहरीमा प्रशिक्षण सुरु गरेको शाखाले यसअघि पनि गत सालको माघ २६ गते बेल्ट गेष्ट कार्यक्रमको आयोजना गरेको थियो ।
हाल दैनिक रुपमा प्रशिक्षणमा सहभागी ४० जना प्रशिक्षार्थीहरु बेल्ट टेष्टमा सहभागी हुने नेपाल क्युकोसेन कराते डो मनहरी शाखाका प्रशिक्षक लवाङ दोर्जे लामाले जानकारी दिए । शिक्षार्थीहरुले व्हाइट बेल्ट, ओरेन्ज बेल्ट, एल्ले बेल्ट तथा ग्रीन बेल्टका लागि प्रतिस्पर्धा गर्दैछन् ।
गत वर्षको माघमा भएको बेल्ट टेष्टमा ग्रीन बेल्टमा ३, ब्लु बेल्टमा ३ ओरेन्जमा १० जना तथा व्हाईट बेल्टमा ८ जना गरी २८ जना प्रशिक्षार्थीहरु अपगे्रट भएका थिए । मनहरी–७ मनकामना मन्दिर परिसरमा हुने बेल्ट टेष्टमा नेपाल क्युकोसेन कराते डोजाका केन्द्रीय सचिव रोशन कपाली सहभागी हुने प्रशिक्षक लावाङ दोर्जे लामाले जानकारी दिए ।
