हेटौंडा,२१ वैशाखः मकवानपुरको पश्चिम क्षेत्रमा रहेको मनहरी–९ स्थित खराङ्गमा तीन ट्रक एक आपासमा ठोकिँदा दुर्घटना भएको छ । दुर्घटनामा परी एक महिलाको मृत्यु भएको छ भने १२ जना घाईते भएका छन् ।
हेटौंडाबाट मनहरीतर्फ गइरहेको ना ६ ख ३३७४ नम्बरको ट्रक तथा मनहरीबाट हेटौंडातर्फ आइरहेको ना ४ ख ११९२ र ना ६ ख ९९०७ नम्बरको ट्रक आपसमा ठोकिँदा दुर्घटना भएको मनहरीबाट सञ्चारकर्मी जयराम मोक्तानले जानकारी गराएका छन् ।
दुर्घटना हुनासाथ घाइतेहरुलाई प्रहरीको सहयोगमा पुरानो मेडिकल कलेज भरतपुरमा उपचारको लागि पठाइएको थियो । घाईते १३ जनामध्ये हेटौँडा उपमहानगरपालिका वडा नम्बर ३ की २५ वर्षीया निर्मला राईको उपचारको क्रममा पुरानो मेडिकल कलेजमा मृत्यु भएको ईलाका प्रहरी कार्यालय मनहरीले जनाएको छ ।
घाईते हुनेहरुमा हेटौँडा उपमहानगरपालिका वडा नम्बर ३ का ३६ वर्षीया कृष्ण माया राई, ५३ वर्षकी दिल माया राई, २० वर्षीया कौषिला राई, मनहरी ६ का २६ वर्षीया कमल तामाङ, धन माया राई, इरान लामा, हेटौँडा उपमहानगरपालिका–८ कमाने निवासी पूजा मुक्तान, धादिङ थाक्रे–९ का सनज्तेष्न विडारी , कपिलबस्तु शिवराज नगरपालिका– १ का १७ वर्षीय दिपक सुनार, रौतहटका उमेश भुजेल तथा दाङ लमहीका ३५ वर्षीय सरद चौधारी रहेका छन् ।
अन्य घाईतेहरुको अवस्थ मध्यम रहेको र मनहरी–६ लोथरका इरान लामा सामान्य उपचारपछि घर फर्किएका छन् । मृतक राई मनहरी–६ प्रतापपुरमा मातातीर्थ औँसीको अवसरमा माइतीमा आमासँग भेटघाट गर्न आइरहेकी थिइन् । घटनामा परेका ट्रकहरुलाई ईलाका प्रहरी कार्यालय मनहरीको निगरानीको राखिएको प्रहरीले जनाएको छ ।
