हेटौंडाः समुदाय प्रहरी साझेदारी कार्यक्रम अन्तर्गत मकवानपुरको हेटौंडा–१०, मा रहेको तुलसीमेहर मेमोरियल उच्च मावि भुटनदेबीका शिक्षक र विद्यार्थीहरूसँग आज “प्रहरीसँग १ दिन” कार्यक्रम भएको छ ।
जिल्ला प्रहरी कार्यालय मकवानपुरका प्रमुख प्रहरी उपरीक्षक मुकेश कुमार सिंहको सहभागितामा सञ्चालित कार्यक्रममा सहभागी शिक्षक तथा विद्यार्थीहरुबीच अन्तरक्रिया भएको हो ।
कार्यक्रममा प्रहरीको दैनिक गतिविधि, काम कारबाहीको विशेषता, सुरक्षित रहने उपाय, ट्राफिक नियम सम्बन्धि जानकारी, प्रहरी र समुदाय बीचको सम्बन्ध र अपराध न्यूनीकरणमा शिक्षक र विद्यार्थीको भूमिका लगायतका विषयमा छलफल भएको जिप्रका मकवानपुरका प्रवक्ता तथा प्रहरी निरीक्षक सागर बिक्रम राणाले जानकारी गराए ।
