हेटौंडा, १२ चैत्र
मकवानपुर गढी ३ मक्रान्चुलीमा रहेको महिला जागरण बचत तथा ऋण सहकारी संस्था लिमिटेडले रक्तदान कार्यक्रम गरेको छ ।
सहकारीको २१ औं स्थापना दिवस तथा ६२ औं राष्ट्रिय सहकारी दिवसको अवसरमा रक्तदान कार्यक्रम गरिएको हो । जिल्ला बचत तथा ऋण सहकारी संघ मकवानपुरकी अध्यक्ष राधा सिन्तानको प्रमुख आतिथ्यता एवं मकवानपुर गढी ३ का वडा अध्यक्ष भागवत घिमिरेको बिशेष आतिथ्यमा कार्यक्रम भएको थियो । सहकारीका अध्यक्ष कल्पना श्रेष्ठको अध्यक्षतामा भएको कार्यक्रममा ३७ जनाले रक्तदान गरेका छन् ।
