हेटौंडाः प्रेस संगठन नेपाल बागमती प्रदेशको भेला यही माघ २५ गते शनिबार हेटौंडामा हुने भएको छ । नेपाल कम्युनिष्ट पाटी (नेकपा) सम्बद्ध संगठनको प्रदेशस्तरीय भेलाका अवसरमा प्रेस संगठन प्रदेश कमिटीका सदस्यहरु र मकवानपुर जिल्ला कमिटीका सदस्यहरुको सपथ ग्रहण कार्यक्रम हुने भएको हो ।
भेला र सपथग्रहण कार्यक्रमको अन्तिम तयारी भएको प्रेस संगठन मकवानपुरका संयोजक प्रकाश दाहालले जानकारी दिए । सत्तारुढ दल नेपाल कम्युनिष्ट पार्टी (नेकपा)का उपाध्यक्ष बामदेव गौतमले भेलाको उद्घाटन गर्ने कार्यक्रम तय भएको संगठनले जनाएको छ ।
प्रेस संगठनमा रहेका १३ वटै जिल्लाका संयोजक, सहसंयोजक र सदस्यहरुलाई सपथ ग्रहण गराउने कार्यक्रममा सहभागी हुन पूर्व उपप्रधान तथा गृहमन्त्री गौतम माघ २५ गते शनिबार हेटौंडा आउने निश्चित भएको संयोजक दाहालले बताए ।
