हेटौंडाः मकवानपुरको हेटौंडा उपमहानगरपालिकामा स्कुल बस र अटो एक आपसमा ठोक्किँदा एक जनाको मृत्यु भएको छ । घटनामा दुईजना घाईते भएक छन् ।
हेटौंडा बजारबाट नवलपुरतर्फ जाँदै गरेको ना. १ क ७००६ नम्बरको सनसाइन इङ्गलिस बोर्डिङ स्कुलको बसले नवलपुरबाट हेटौंडा बजारतर्फ आउँदै गरेको ना. १ ह ६२९१ नम्बरको अटोलाइ ठक्कर दिँदा अटोमा सबार हेटौंडा ३ का ३५ बर्षीय सागर पाख्रिनको मुत्यु भएको हो ।
ठक्करपछि गम्भिर घाईते भएका पाख्रिनको चुरेहिल अस्पतालमा उपचारको क्रममा मृत्यु भएको जिल्ला प्रहरी कार्यालय मकवानपुरले जनाएको छ । दुर्घटनामा ३७ बर्षीय जय बहादुर महरा र मृतक पाख्रिनका छोरा १४ बर्षीय मनोज पाख्रिन घाइते भएका छन् । उनीहरूको चुरेहिल अस्पतालमा उपचार भइरहेको प्रहरीले जनाएको छ ।
