हेटौंडा, माघ ८
हेटौंडा ११ नवलपुरमा तरकारी वोकेको गाडीले मोटरसाइकललाई ठक्कर दिदा मोटरसाइकल चालकको मृत्यु भएको छ । मोटरसाइकलमा सवार अर्का एक जना गम्भीर घाइते भएका छन् । गए राती पुर्व पश्चिम राजमार्ग अन्तरगत हेटौंडाको नवलपुरमा हेटौंडा बजारबाट मनहरी तर्फ जाँदै गरेको ना ४३ प ३९१४ नम्बरको मोटरसाइकललाई मनहरीबाट हेटौडा तर्फ आउदै गरेको ना ५ च १७७७ नम्बरको तरकारी बोकेको डिआई गाडीसंग ठक्कर खाँदा मोटरसाईकल दुर्घटनामा परेको हो ।
मृत्यु हुनेमा मोटरसाइकल चालक हेटौंडा १९ बस्ने २१ बर्षीय सुनिल स्याङ्तान रहेको जिल्ला प्रहरी कार्यालय मकवानपुरका प्रहरी उपरिक्षक शुशिल सिंह राठोरले जानकारी दिए । दुर्घटनामा मोटरसाइकलमा सवार मनहरी ९ रजैया बस्ने १८ बर्षीय साजन भोलन घाइते भएको र उनको चुरेहिल अस्पतालमा उपचार भइरहेको छ । घाईते भोलनको अवस्था गम्भीर रहेको पनि प्रहरी राठोरले बताए । स्याङ्तानको उपचारको लागि हेटौडा अस्पताल तर्फ ल्याउदै गर्दा मुत्यु भएको प्रहरीले जनाइएको छ । ठक्कर दिने गाडी तथा चालक प्रहरी नियन्त्रणमा रहेको छ ।
