हेटौंडा,३० मंसीरः पूर्वपश्चिम राजमार्गअन्तर्गत चितवनको राप्ति नगरपालिका पिप्लेमा सवारी दुर्घटना हुँदा एकजनाको मृत्यु भएको छ ।
घटनामा अन्य ३ जना घाइते भएका छन् । मृत्यु हुनेमा ना५ख ८७४३ नम्बरको ट्रकका चालक हेटौंडा–१४ का २६ बर्षीय बीरबहादुर लोप्चन रहेका छन् । मकवानपुरबाट चितवनतर्फ जाँदै गरेको ना५ख ८७४३ नम्बरको ट्रक र चितवनबाट मकवानपुरतर्फ आईरहेको ना६ख ७९६७ नम्बरको ट्रक ठक्कर खाएको थियो ।
दुर्घटनामा घाइते भएका ८७४३ नम्बरको ट्रकका सहचालक मकवानपुरको बागमती गाउँपालिका वडा नम्बर १ का २० बर्षीय सोमबहादुर थिङ, ७९६७ नम्बरको ट्रकका चालक झापाको कन्काई नगरपालिका वडा नम्बर १ झापाका ४० बर्षीय अर्जुन जोगी र सहचालक मोरङका २० बर्षीय प्रज्वल देवानको पुरानो मेडिकल कलेजमा उपचार भइरहेको जिल्ला प्रहरी कार्यालय चितवनले जनाएको छ ।
