हेटौंडाः बडा दसैंको अवसरमा जिल्ला समान्वय समिति मकवानपुरले आज चियापान तथा शुभकामना आदानप्रदान कार्यक्रम गरेको छ । मुख्यमन्त्री डोरमणि पौडेलको प्रमुख आतिथ्यतामा शुभकामना आदानप्रदान कार्यक्रम गरिएको हो ।
जिल्ला समन्वय समितिका प्रमुख रघुनाथ खुलालको सभाध्यक्षतामा आज विहान समिति परिसरमा आयोजित चियापन तथा शुभकामना आदानप्रदान समारोहमा जनप्रतिनिधिहरु, कर्मचारी, राजनीतिक दलका प्रतिनिधि, पत्रकार लगायत सहभागी थिए ।
यसैबीच आज मंगलबार नै दसैंको अवसरमा ३ नम्बर प्रदेशका मुख्यमन्त्री डोरमणि पौडेल र पत्रकारहरुबीच शुभकामना आदानप्रदान कार्यक्रम आयोजना गरिएको छ । हेटौंडास्थित मुख्यमन्त्री तथा मन्त्रीपरीषद्को कार्यालयमा दिउँसो १ बजे आयोजित कार्यक्रममा सहभागी हुन सबै सञ्चारकर्मीहरुलाई आग्रह गरिएको मुख्यमन्त्रीका प्रेस संयोजक प्रकाश दाहालले जनाए ।
