असोज ७
मनाङमा जीप दुर्घटना हुँदा एक जनाको मृत्यु भएको छ । मृत्यु हुनेमा सवारी चालक विशाल तामाङ रहेका छन् । मनाङको ङिस्याया गाउँपालिका वडा–२ घ्यारुमा मंगलबार बिहान ग १ ज ७२७८ को बोलेरो जीप पल्टिँदा सवारी चालक विशाल तामाङको घटनास्थलमा नै मृत्यु भएको जिल्ला प्रहरी कार्यलय मनाङले जनाएको छ । चालक तामाङ हेटौडा घर भई करिब २ वर्षदेखी बेसिसहर मनाङ रोडमा सवारी चलाउँदै आएका थिए । जीपलाई अगाडी बढाउन खोज्दा ब्रेक फेल भई पल्टिएर दुर्घटना भएको प्रहरीले जनाएको छ ।
