हेटौंडा,१२ भदौः हेटौंडा उपमहानगरपालिका–५, क्याम्पाडाँडा नजिक मोटरसाइकलले साईकललाई ठक्कर दिँदा साइकलयात्रीको मुत्यु भएको छ ।
हिजो साँझ हेटौंडा बजारबाट चौघडातर्फ जाँदै गरेको मोटरसाईकलले चौघडाबाट हेटौंडा बजारतर्फ आउँदै गरेको साईकललाई ठक्कर दिँदा साईकलमा सवार सोमलाला घलानको मृत्यु भएको हो । जिल्ला प्रहरी कार्यलय मकवानपुरका अनुसार मकवानपुरगढी गाउँपालिका–४, घर भएका मृतक घलान हाल हेटौंडा–५, सानोपोखरामा डेरा गरी बस्दै आएका थिए ।
४० वर्षीय घलान निर्माण क्षेत्रमा मजदुरको रुपमा काम गर्दै आएका बुझिएको छ । मोटरसाईकलको ठक्करबाट घटनास्थलमै मृत्यु भएका घलानको सव हेटौंडा अस्पतालमामा पुर्याइएको थियो । घलानलाई ठक्कर दिन मोटरसकाईकलका चालक हेटौंडा–१८, बस्ने रोशन दुलाललाई प्रहरीले नियन्त्रणमा लिएको छ ।
