हेटौंडा,१९ साउनः मकवानपुरगढी गाउँपालिकामा–२ मा आज नेकपाको पार्टी कार्यकर्ता भेटघाट तथा पार्टी प्रवेश कार्यक्रम भएको छ । ३ नम्बर प्रदेशका प्रदेशसभा सदस्य तथा नेकपा मकवानपुरका सचिव प्रेमबहादुर पुलामीको प्रमुख आतिथ्यतामा कार्यक्रम भएको हो ।
कार्यक्रममा नेकपाका नेताहरु भिम पाख्रिन, बद्री लम्साल, विष्णु दाहाल, तेजप्रसाद लम्साल, रामजी सापकोटा, गोकुल लम्साल, प्रेमचन्द्र तुम्सिङ मगर, गंगा थापा, सन्देश तुम्सिङ मगर लगायतको उपस्थिति रहेको थियो ।
नेकपामा प्रवेश गर्नेहरुको नामावली यसप्रकार छ:
माया बलको अध्यक्षतामा सञ्चालित कार्यक्रममा राजकुमार खड्काले स्वागत मन्तव्य व्यक्त गरेका थिए । सो अवसरमा विभिन्न पार्टी परित्याग गरी नेकपामा प्रवेश गर्ने ४९ जना नव प्रवेशीहरुलाई स्वागत गरिएको सन्देश मगरले बताए । उनका अनुसार नवप्रवेशीहरुलाई नेकपाका जिल्ला सचिव पुलामीले टिका लगाई स्वागत गरिएको थियो ।
