हेटौंडा,१९ साउनः स्थानीय एक एकल महिलालाई बलात्कार गरेको आरोपमा भिमफेदी गाउँपालिका–१ बस्ने प्रकाश रुम्बा आज पक्राउ परेका छन् । माईती नेपालको सहयोगमा पीडित महिलाले प्रहरीमा जाहेरी दिएपछि उनलाई पक्राउ गरिएको हो ।
पीडित महिलाले प्रहरीमा मुद्दा दर्ता गरेपछि छलफलका लागि प्रहरीले दुबै पक्षलाई बोलाएकोमा अस्पतालको रिपोर्ट आएसँगै थप अनुसन्धानका लागि थुनामा राखेको हो । आफूमाथि अन्याय भएपछि उनी विगत ६ दिनदेखि जाहेरी दिन प्रहरी कार्यालय धाएकी थिइन् । करिब एक सातादेखि प्रहरीमा जाहेरी दिन आएपनि संस्था तथा अधिकारकर्मीहरुको सहयोगमा आज मात्र मुद्दा दर्ता भएको हो ।
एक छोरा र दुई छोरीकी आमा उक्त महिलाको श्रीमान्को गत असारमा निधन भएको थियो । हाल आफ्नो छोराछोरीको साथमा घरमा रहँदै आएकी महिलालाई रातको समयमा उनको घरमा पुगी बलात्कार गरेको महिलाको आरोप छ ।
