हेटौंडाः काठमाडौंमा सम्पन्न राष्ट्रियस्तरको दोस्रो अन्तरक्याम्पस बिबिएम फूटसल-२०७६ मा मकवानपुर बहुमुखी क्याम्पसको समूह उपविजेता भएको छ ।
फाइनल खेलमा नेपाल कमर्श क्याम्पससँग ४-२ गोल अन्तरले पराजित हुँदै मकवानपुर बहुमुखी क्याम्पस समूह देस्रो भएको हो । प्रतियोगिताको उपविजेता बन्दै मकवानपुर क्याम्पस समूहले नगद ६ हजार रुपैयाँ, शिल्ड तथा प्रमाणपत्र प्राप्त गरेको छ ।
शंकरदेव क्याम्पस र सरस्वती बहुमुखी क्याम्पसको आयोजनामा जेठ २७ गतेबाट प्रतियोगिता सञ्चालन भएको थियो । प्रतियोगितामा ९ वटा समूह सहभागी भएका थिए ।
परीक्षामा उत्कृष्ट नतीजा दिँदै आएको बिबिएमले खेलमा पनि यस्तो सफलता प्राप्त गर्दा आफूलाई खुशी लागेको मकवानपुर बहुमुखी क्याम्पस विविएरविविएम कार्यक्रम निर्देशक मधुकुमार सिंहले बताए ।
