हेटौंडाः मनहरी गाउँपािलका वडा नम्बर ७ तल्लो बजार ईलाका प्रहरी कार्यालय पछाडी निर्मित कल्भर्ड सहितको पुल आजबाट सञ्चालनमा आएको छ ।
केही समय अगाडी निर्माण सम्पन्न उक्त पुलको आज एक कार्यक्रमका बीच गाउँपालिका अध्यक्ष एकराज उप्रेतील उद्घाटन गरेको मनहरीबाट जयराम मोक्तानले जानकारी गराएका हुन् । उद्घाटन कार्यक्रममा बोल्दै वडाध्यक्ष उप्रेतीले स्थानीय सरकार आएसँगै गाउँ गाउँमा विकासको मूल फेटेको बताए ।
जनताको चाहना अनुसार विकास निर्माणका कार्यलाई गाउँपालिकाले महत्व दिने बताए । कल्भर्ड सहितको पुल निर्माणको लागि मनहरी गाउँपालिकाले २५ लाख रुपैयाँ रकम विनियोजन गरेको थियो ।
गाउँपालिका अध्यक्ष एकराज उप्रेतीको प्रमुख आतिथ्यमा भएको कार्यक्रमा निर्माण उपभोक्त ७ नम्बर वडाका अध्यक्ष ठाकुर तितुङ, निर्माण उपभोक्ता समितिका अध्यक्ष दिल बहादुर स्याङ्बो तथा सेवाग्राहीहरुको उल्लेख्य सहभागिता रहेको थियो ।
