हेटौडा, २८ बैशाख । आँचल साहित्य कला पुञ्ज मकवानपुरकी अध्ययक्ष अप्सरा तिम्सिनाको कथा संग्रह “अभ्यन्तर” आज वरिष्ठ आख्यानकार नयनराज पाण्डेको प्रमुख आतिथ्यतामा लोकार्पण गरिएको छ ।
पुञ्जकी उपाध्यक्ष अनिता न्यौपानेको अध्यक्षतामा भएको कार्यक्रममा कथाकार तिम्सिनाको कथा संग्रहमा समावेश गरिएका कथाहरु सामाजिक विषयवस्तुहरुमा गहन रुपमा अध्ययन गरेको पाइएको प्रमुख अतिथि पाण्डेले मन्तव्यको क्रममा बोलेका थिए ।
कथा संग्रहमाथि साहित्यकारहरु सरिता तिवारी, निमेष निखिल, रमेशमोहन अधिकारीले टिप्पणी गरेका थिए । उनीहरुले हाम्रै वरपरि भएका विषयवस्तु तथा घट्नाहरुलाई सरल र सहज ढंगले कथा मार्फत प्रस्तुत गरेको बताएका थिए ।
कार्यक्रममा साहित्यकार तिर्थदेवी सिलवाल, आरसि रिजाल, मुना अर्याल लगायतकाले कार्यक्रमको सफलताको शुभकामना व्यक्त गरेका थिए । लेखक अप्सरा तिम्सिना लम्सालको माता पिताको समेत उपस्थिति रहेको थियो । कथाकारले यस अघि पनि कविता संग्रह प्रकाशनमा ल्याएका थिए ।
