हेटौंडा,२९ चैत्रः नेकपा माओवादी (विप्लब समूह)का मकवानपुर जिल्ला इन्चार्ज बीरबहादुर घलान (ज्वाला) हेटौंडाबाट पक्राउ परेका छन् । हेटौंडाको फायरलाईनबाट बिहिबार साँझ प्रहरीले जिल्ला इञ्चार्ज ज्वाला सहित २ जनालाई पक्राउ गरेको हो ।
हेटौंडा उपमहानगरपालिका—८ फायरलाईनबाट उनीहरुलाई नियन्त्रणमा लिइएको स्रोतले जनाएको छ । प्रहरीले सवारी साधन चेकिङ गर्ने क्रममा मोटरसाइकलमा रहेका ज्वालासहित अर्का एक जनालाई पक्राउ गरेको हो । यद्यपी प्रहरीले पक्राउ गरेको बारे औपचारिक रुपमा सार्वजनिक भने गरेको छैन ।
मकवानपुर प्रहरीले यसअघि पनि विप्लब समूहका कार्यकर्ता भएको आरोपमा जिल्लाका चार जनालाई पक्राउ गरी हिरासतमा राखेर विभिन्न मुद्दाहरु चलाएको थियो ।
