हेटौंडाः मकवानपुरको पश्चिम क्षेत्रमा रहेको मनहरी गाउँपालिका अन्तर्गत २ वटा वडाका जेष्ठ नागरिकहरुलाई आज सम्मान गरिएको छ ।
गाउँपालिकाको वडा नम्बर ८ र ९ मा रहेका ८२ वर्ष भन्दा माथिका जेष्ठ नागरिकहरुलाई सम्मान गरिएको हो । ८ नम्बर वडाका १७ जना र ९ नम्बर वडाका २७ जना जेष्ठ नागरिकहरुलाई सम्मान गरिएको छ ।
सम्मान स्वरुप उनीहरुलाई जाडोमा प्रयोग गर्नका लगाी न्यानो कपडा बितरण गरिएको थियो । ८ नम्बर वडाको सम्मान कार्यक्रममा वडाध्यक्ष दिल बहादुर स्याङ्तान गाउँपालिकाका अध्यक्ष एकराज उप्रेती तथा वडा नम्बर ९ को सम्मान कार्यक्रममा वडा अध्यक्ष साधुराम अधिकारी, गाउँपालिकाका उपाध्यक्ष मनिला विष्ट, कार्यकपालिका सदस्य कृष्ण विडारी तथा अन्य स्थानीय जनप्रतिनिधिहरुकोे उपस्थिति रहेको थियो ।
