हेटौडा,१७ चैत्र । नेपाल कम्युनिष्ट पार्टी (नेकपा) ले भिमफेदी गाउँपालिका अन्तरगतका वडाहरुमा अगुवा कार्यकर्ता भेलाहरु गरिरहेको छ । उक्त कार्यक्रम अन्तर्गत शनिबार वडा नं. १ को भेला सम्पन्न भएको हो । सो भेला राष्ट्रिय सभा सदस्य विरोध खतिवडाको प्रमुख आतिथ्यमा भएको थियो । केन्द्रिय सांसद खतिवडाले प्रशिक्षाणात्मक भनाई राखेका थिए । यसैगरी आईतवार वडा न. २ भैसेमा सो पार्टीको अगुवा कार्यकर्ता भेला सम्पन्न भएको छ । २ नं. वडा अध्यक्ष काशीराम बैज्युको अध्यक्षतामा भएको कार्यक्रममा प्रमुख अतिथि प्रदेश सल्लाहकार ठाकुराम खड्का रहेका थिए । पुर्व एमाले र माओवादी बीचको एकता र आगामी दिनहरुको खेल्नुपर्ने भूमिकाका विषयमा वक्ताहरुले आ–आफ्नो धारणा राखेका थिए । कार्यक्रममा नेकपाका जिल्ला सचिवालय सदस्य प्रमिला लामा, भगवती पुडासैनी, जिल्ला सदस्य पार्वती राना, बद्रि बहादुर स्याङ्तान, अप्सरा लामा, रञ्जित राना लगायतकाको आतिथ्यता रहेको थियो । कार्यक्रमको सञ्चालन पविना लामाले गरेकी थिइन । भिमफेदी गायँपालिका अन्र्तगतका अगुवा कार्यकर्ता भेला गर्न ३,४र ७ नं.वडाहरु मात्रै वाँकी रहेको भिमफेदी गाउँपलिकाका नेता बद्री बहादुर स्याङ्तानले जानकारी दिएका छन् ।
