हेटौडा, १५ चैत्र । मकवानपुरको हेटौंडामा सञ्चालन भईरहेको दोस्रो शहीद स्मृति फुटबल प्रतियोगिता अन्तर्गत हिजो भएको दोश्रो सेमिफाईनलमा थ्रीस्टार क्लबलाई टाइब्रेकरमा पराजित गर्दै दाफिन्स फाइनलमा पुगेको छ ।
यसअघि हिजो भएको पहिलो सेमिफाइनलमा आयोजक मकवानपुर–११ ले नेपाल पुलिस क्लबलाई पराजित गरेको थियो । हिजोको खेलको निर्धारित समयमा १–१ गोलको बराबरीमा सकिएपछि टाइब्रेकरमा विदेशी टोली दाफिन्स क्लबले आफूलाई फाईनलका लापग जीत सुनिश्चित गरेको हो ।
प्रतियोगिताको फाइनल खेल यही १६ गते शनिबार हुनेछ । प्रतियोगिताको विजेताले नगद आठलाख र उपविजेताले नगद चारलाख प्राप्त गर्ने आयोजकले जनाएको छ । मकवानपुर जिल्ला फुटबल संघको आयोजनामा जारी प्रतियोगितामा दश टोलीको सहभागिता रहेको छ ।
