हेटौंडाः रंगहरुको पर्वको रुपमा चिनिने होली आज देशको पहाडी जिल्लाहरुमा मनाइरहँदा हेटौंडेली युवाहरुले बजारको चोक चोकमा जमघट गर्दै मनाएका छन् ।
विभिन्न रंगहरु दलेर मनाइने यस पर्वलाई युवाहरुले रंग साटासाट गर्दै मनाएका हुन् । विभिन्न समिति, समूह, क्लब, आफ्नो साथीहरु भेला भई जमघट गरेर युवाहरुले भव्य रुपमा होली मनाएका छन् ।
युवाहरुले हेटौंडाको स्कूलरोड, बुद्धचोक, राप्तीरोड लगायत मुख्य चोकहरुमा बाक्लो जमघट गर्दै होली मनाएका छन् ।
प्रहरीले होलीलाई सभ्य र मर्यदापूर्वक खेल्न सम्पूर्णमा आग्रह गरेको छ । साथै होली विशेष सुरक्षाका लागि बजार क्षेत्रमा बाक्लो मात्रामा प्रहरी परिचालित भएका छन् ।
