हेटौंडा
फागुन ९
हेटौडा उपहानगर वडा नं.२ संगमचोकबाट पर्सा जिल्ला कालिकामाई गा.पा.वडा नं.२ बस्ने बर्ष २८ को हरेराम प्र.कुुुसवाहलाई लागु औषध अफिम सहित प्रहरीले पक्राउ गरेको छ । कालो अफिम ५०० ग्राम र गहुँको पिठो जस्तो देखिने सेतो धुलो ५०० ग्राम सहित उनलाई पक्राउ गरेको हो ।
लागू औषध नियन्त्रण ब्युरो कोटेश्वर काठमाण्डौबाट खटिएका प्रहरी नायव निरिक्षक ज्ञानेन्द्र बस्नेत तथा जिल्ला प्रहरी कार्यालय मकवानपुर समेतको टोलीले बिशेष सुराकीको आधारमा नीजको खनतलासी गर्दा उक्त लागु औषधसहित पक्राउ गरेको जिल्ला प्रहरी कार्यलय मकवानपुरले जनाएको छ ।
त्यस्तै पर्सा जिल्लाकोल जमुनिया गा.पा.वडा नं.४ औराहा बस्ने बर्ष ५४ को चिन्ता पंजियार थारुलाई ईलाका प्रहरी कार्यालय पशुपतिनगर मकवानपुरबाट खटिएको प्रहरी टोलीले अवैध गाँजा र हतियारसहित पक्राउ गरेको छ । निजको शरिर तथा साथमा रहेको झोला खानतलासी गर्दा खुकुरी थान १, टर्च लाईट थान १ र प्लाष्टिकमा पोका बनाईएको अवस्थामा चरेस बनाउने लागू औषध गाँजाको धुलो ६ पोकामा ६ किलो सहित थारुलाई पक्राउ गरी आज सार्वजनिक गरेको हो ।
त्यस्तै गरी प्रहरीले मोवाईल चोरी गर्ने २ व्यक्तिलाई पक्राय गरी अनुसन्धान कार्य अगाडी बढाएको छ । प्रहरीका अनुसार पक्राउ पर्नेमा काठमाण्डौको बुढानिलिकण्ठ ६ बस्ने बर्ष १९ को राज लामा र पशुपति परिसरमा बसोबास गर्ने वर्ष १८ को सरोज कार्की रहेका छन् । उक्त २ लाई हेटौडा ४ स्थित गल्लीमा पुरानो मोबाईल थान १२, सामसुङ्ग मोबाईलमा लाग्ने ब्याट्री थान ३, हाते घडी थान ६, चार्जर हेड फोन थान १, हेडफोन थान ९ साथै मल्टिप्लक थान १, सहित पक्राउ गरेको हो ।
