~हेङचाङ साङ~
अनुवादः कुमुद अधिकारी

तिम्रो चिठी
गौँथलीझैँ फुर्र उडेर
तिम्रो न्यानो घरबाट
यहाँ आयो

मेरो हृदयको उचाईमा
काव्यका कोमल मन्त्रहरूले
गुँड बनायो।

म त्यसभित्र सुतेँ
मेरा सबै रापहरू बिसर्जित गरेँ
र केही चाहनाहरू कोरलेँ
जसलाई पेटभरी खुवाउने मसँग मनग्गे चारो छैन
उनीहरू चारो भिक्षा मागिरहेछन्
र तिनीहरूका आँखाहरूबाट
देदीप्यमान आँसुहरू छचल्किन तमतयार छन्।

साहित्य संग्राहलय

LEAVE A REPLY

Please enter your comment!
Please enter your name here