हेटौडा : महिला साहित्यकारहरुको संस्था आँचल साहित्य कला पुञ्ज मकवानपुरले साहित्यकार तुलसी थापालाई अभिनन्दन गरिएको छ भने साहित्यकार रुकु कार्की, बुनु लामिछाने र वरिष्ठ पत्रकार कौशल पाण्डेलाई यसवर्ष सम्मान गरिएको छ ।
पुञ्जको छैठौ वार्षिकोत्सव तथा तेस्रो साधरणसभामा उहाँहरुलाई अभिनन्दन तथा सम्मान गरिएको हो । उद्घाटन कार्यक्रममा प्रमुख अतिथि प्रदेश सभा सदस्य कुमारी मोक्तानले उद्घाटन गर्नुभएको कार्यक्रममा साहित्यकार आर सि रिजाल, निमेश निखिल, नवराज शर्मा, कौशल पाण्डे, रुकु कार्की, बुनु लामिछाने, प्रकाश लम्साल लगायतको आतिथ्यता रहेको थियो । कला पुञ्जकी अध्यक्ष अप्सरा तिमल्सिनाको अध्यक्षतामा कार्यक्रमको पहिलो सत्र समापन गरिएको थियो । कार्यक्रममा जिल्ला तथा बाहिरका साहित्यकारहरुले कार्यक्रममा आ–आफ्नो धारणा व्यक्त गरेका थिए ।
अध्यक्षमा पुनः अप्सरा तिम्सिना
साधरण सभाले अध्यक्षमा पुनः अप्सरा तिम्सिना चयन हुनुभएको छ । तेस्रो साधारणसभाबाट ३ वर्षे कार्यकालका लागि पुनः तिम्सिनाको नेतृत्वमा नयाँ समिति गठन भएको छ । संस्थाको उपाध्यक्षमा अनिता न्यौपाने, सचिव भावना सापकोटा, सहसचिव निरा शर्मा र कोषाध्यक्षमा सुभद्रा हुमागाईं चयन भएका छन्। संस्थाको कार्यसमिति सदस्यमा चण्डिका गौतम, बगेकी गंगा, सविता तिमल्सिना र अनिषा पुडासैनी रहनुभएको छ । साधारणसभाले सचिव अनिता न्यौपाने र कोषाध्यक्ष निरा शर्माले प्रस्तुत गरेको प्रतिवेदन सर्वसहमत पास गरेको छ । संस्थामा ८० जना महिला साहित्यकार आवद्ध रहेका छन् ।
